Thursday 28 February 2013

အရွေ့ မဲ့သောလမ်းထက်တွင်





ပုံမှန်သက်တမ်းအရ လူ့လောကတွင် သက်တမ်း၏ ထက်ဝက်မျှသော အချိန်ကာလတို့ကို တိတ်တဆိတ် သုံးစွဲပြီးခဲ့ပြီးဖြစ်သည်။ မည်သည့်အရာသည်ကောင်းသည်၊ မကောင်းသည် ဆိုခြင်းထက် သာမန်ထက်ပိုသော တိတ်ဆိတ်အေးခဲငြိမ်သက်သည့် ကာလတို့တွင် အချိန် အတော်ကြာ ရပ်တန့်နေခဲ့သည်။ ပြည်တည်နာတစ်ခုလို နူးညံ့သောနှလုံးသား တစ်ခုသည် တဆစ်ဆစ်နှင့် ကိုက်ခဲနေခဲ့သည်မှာလည်း ကာလ အတန်ကြာခဲ့ပြီ။ နာကျင်မှုကို ညည်းညူ ခွင့်မရှိသော သူတစ်ယောက်သည် ယင်းတို့ကို ကျိတ်မှိတ်မျိုချရန်မှတပါး အခြားရွေးစရာ မရှိသည်မှာ အဆန်းတော့ မဟုတ်ပါ။


နွေးထွေးသော ရင်ခွင်၊ အေးမြသော မေတ္တာတရားတို့နှင့် အချိန်ကြာကြာ အတူတကွ မရှိနိုင်ရန် ကျိန်စာ သင့်ခဲ့ပြီလား။ ထိုအရပ်ဒေသသည် မည်သည့်အတွက်ကြောင့် နတ်သမီးပုံပြင်ကဲ့သို့ ဖြစ်နေရပါသနည်း။ ရုပ်ဝါဒထွန်းကားမှုကို အဖိုးထားသော ရုပ်ဝါဒီ တို့အလည်တွင် ရောက်ရှိနေသူသည် လှုပ်ရင်း၊ နစ်ရင်း၊ မြုတ်ရင်း၊ ရုန်းကန်ရင်း မောပန်းလှပြီ၊ နွမ်းလျလှပြီ။ မည်သူတစ်ဦးတစ်ယောက်ကိုမျှလည်း မိမိ ခံစားရသလို မခံစားစေချင်ပါ။


အားလုံးကို လွှတ်ချ၍ အတိုင်းအဆမရှိသော ကောင်းကင်ပြင်ကျယ်ကြီးကို ငေးကြည့်နေ မိသည်။ ပြာလွင်သော အရောင်အောက်မှ တောက်ပသည့် တိမ်လိပ်များသည် ပြုံးရယ် နေကြသည်။ သိမ်ငယ်မိသော စိတ်အစဉ်အရ လှောင်ပြောင်ရက်လေခြင်းဟုလည်း ဦးခေါင်းကို ငိုက်စုိုက်ချမိသည်။ တိမ်တို့သည်လည်း မလှောင်ပြောင်ပါ။ ကောင်းကင်ပြာ သည်လည်း ပြစ်တင်းမဖွဲ့ဆိုပါ။ စိတ်အရင်းခံ၏ ဒဏ်ရာများကြောင့်သာ ဖြစ်မည်ထင်သည်။ ကြိုဆိုသူမဲ့သော၊ လက်ကမ်းသူ မရှိသော နေရာတစ်ခုသည် ရည်ရွယ်ရာပန်းတိုင်မှ ဟုတ်ပါ့မလား ဟု သံသယများဖြင့်လည်း ဖွဲ့တည်ခဲ့ပြီ။


နှစ်သက်မြတ်နိုးမိသော အခြေအနေနှင့် နေရာတစ်ခုသည် အိပ်မက်တစ်ခုအဖြစ်နှင့် ခေတ္တခဏသာ မက်ခွင့်ရှိပါသလား။ အိပ်စက်ခြင်းကိုပင် တထိတ်ထိတ်တလန့်လန့်နှုင့် အိပ်စက်ရသောသူတစ်ယောက်သည် အိပ်မက်ကလေးအတွင်းမှာပင် နှစ်ခြိုက်စွာ နေခွင့် မရသည်မှာ ဝဋ်ကြွေးလေလား၊ ကျိန်စာလေလား မပြောတတ်တော့ပါ။ အိပ်ရေးမဝသော ရင်ဘတ်တစ်ခု၏ မောပန်းနွမ်းလျမှုကို မည်သူတစ်ဦးတစ်ယောက်က အမြိုက်ရေ တိုက်ကျွေးနိုင်ပါမည်နည်း။ ဥပေက္ခာပြုကာ မျက်နှာလွှဲထားမည်မှာ သေချာပါသည်။

ဘဝ၏ လက်ကျန်အချိန်များကို နွေးထွေးသော နေရောင်ခြည်အောက်တွင် ဖြတ်ကျော် ချင်ပါသည်။ အေးမြသော လရောင်အောက်တွင် နားခိုလိုပါသည်။ ထို့အတူပင် မိမိကဲ့သို့ စိတ်နှလုံးနွမ်းလျနေသော ချစ်ခင်ရသောသူတိုိ့ကိုလည်း နွေးထွေးသောရင်ခွင်တစ်ခုတော့ ဖြင့်  ပိုင်ဆိုင်စေချင်ပါသည်။ အေးမြသော အရိပ်တစ်ခုအောက်တွင် ငြိမ်းချမ်းစေချင် ပါသည်။ ချစ်ခင်မြတ်နိုးရသူများအတွက် တောင်ဝှေးတစ်ချောင်း မဖြစ်နိုင်တော့သောအချိန် တွင် ခလုတ်ကန်သင်း အဖြစ်တော့ ကျန်မရှိချင်ပါ။ လျောက်ခဲ့ရသော လမ်းတို့သည် ရှည်ကြာ လာသည်နှင့်အမျှ ရရှိခဲ့သော ပွန်းရာပဲ့ရာများသည် ခံနိုင်ရည်တို့ကို လျော့ပါး စေခဲ့ပြီ။

သေမိန့်ကျပြီးသား လူတစ်ယောက်၏ နေထိုင်မှုမျိုးဖြင့် မနေထိုင်ချင်သော သူတစ်ယောက် အတွက် အချိန်တစ်ခုတွင် ချန်ထားခြင်းခံရမည်ကို ကြိုတင်သိရှိနေခြင်းသည် နှလုံးသားကို ဆူးချွန်ထက်ထက်ဖြင့် အဆက်မပြတ် ထိုးဆွနေသကဲ့သို့ပင်။ သွေးစိမ်းရှင်ရှင်လည်း ထွက်ပါသည်။ စူးရှနာကျင်မှုလည်း ဖြစ်ပါသည်။ ထို့ထက် နာကျင်မှုကို သိုဝှက်၍ နေရခြင်း က ပို၍ပင်ပန်လှသည်။ ထို့အတူ.. ထိုအချိန်များကို ရင်ဆိုင်ရန်ပြင်ဆင်ရင်းမှပင် မည်ကဲ့သို့ ပြင်ဆင်ရမှန်းမသိအောင် လမ်းများပျောက်ပျောက် သွားသည်က သာ၍ ဆိုးလှသည်။

ဘုရားသခင် အလိုတော်အတိုင်းဟူ၍လည်း မယိုးလိုပါ။ ကံတရားအတိုင်းဟူ၍လည်း မဆုံးဖြတ်လိုတော့ပါ။ တိတ်ဆိတ်အေးခဲသော နေရာတစ်ခုတွင် ခရီးနှင်နေသော်လည်း အရွေ့မရှိဘဲ ရပ်တန့်နေသော မိန်းမ တစ်ယောက်သည် ထိုနေရာတစ်ခုတွင်ပင် သူမ၏ ကျန်ရှိနေသော နေ့ရက်တို့ကို နွေးထွေးမှုမဲ့စွာ၊ ခြောက်သွေ့အေးခဲစွာ ဖြတ်သန်းရင်း သူမ၏ နတ်သမီးပုံပြင် အိပ်မက်များကို အပိုင်းအစများအနေဖြင့် ခဏခဏ မက်နေဦးမည်သာ..။


ပျိုးယုဝသုန်
02:38:46AM
15-02-2013
Friday (YGN)

Saturday 23 February 2013

မမ နှင့် စာဗူးတောင်းဖြစ်သွားသောဆံပင်





မမသည် အိမ်ပြင်နေသောကြောင့် ဘိလပ်မြေမှုန်များ၊ ကျောက်မှုန်များဖြင့် တစ်ခေါင်းလုံး ဖွေးဖွေးဖြူနေသည်။ အိမ်တွင်လည်း ကျောက်ပြားများ ကပ်၍ မပြီးသေးသောကြောင့် ရေချိုးခန်းမှာလည်း သုံး၍ မရသေးပါ။ ထို့ကြောင့် ဖွေးဖွေးဖြူကာ ဂျပ်ခဲ ဖြစ်နေသော ဆံပင်ရှည်တို့ကို ဆိုင်တွင် သွားလျှော်ရန် ဆုံးဖြတ်လိုက်သည်။


ထို့နောက် နာမည် အတန်ရှိသော ဆံပင်ပြုပြင်ဆိုင်သို့ ထွက်ခဲ့သည်။ ခဏခဏ မဟုတ်သည့်တိုင် ရံဖန်ရံခါ ဆိုသလိုရောက်ဖြစ်သောကြောင့် ဆိုင်မှ ဝန်ထမ်း မိန်းကလေးများ နှင့်လည်း ရင်းနှီးပြီး ဖြစ်သည်။ ထိုနေ့တွင် မမကို ခေါင်းလျှော်ပေးသည့် မိန်းကလေးမှာ မမ တစ်ခါမျှ မမြင်ဖူးသော မိန်းကလေးဖြစ်သည်။ သို့ရာတွင် မမသည် ဇီဇာ ကြောင်တတ်သူမဟုတ်သဖြင့် လူရွေးမနေတော့ပါ။


သို့သော် ကံတရားသည် မမဘက်တွင် မရှိပါ။ မမ၏ဆံပင်များသည် ဆံလုံးအမျှင်သေးငယ် ပြီး ပျော့ကာ ခွေနွယ်သည်။ နက်မှောင် ဖြောင့်စင်းသော ဆံကေသာ ပိုင်ရှင် မဟုတ်ပါ။ ဤအချက်ကို ထိုမိန်းကလေး သတိမမူဖြစ်မိသည် ထင်၏။ ခေါင်းလျှော်ပြီး Conditioner ထည့်ပြီးချိန်တွင် မိန်းကလေးသည် မမ၏ ဆံပင်ရှည်များကို ခွက်သေးသေးလေးတစ်ခွက် တွင် ထည့်ကာ  Conditioner နှင့်ရောနှော၍ ပွတ်လျှော်လေသည်။ ထိုအခါ နဂို လျှော်ပြီး ချိန်တွင် မရှင်းထားခြင်း၊ ခွက်သေးသေးတွင် ဆံပင်များကို ပြွတ်သိပ်ထည့်ထားကာ အတန်ကြာ ထားရှိခြင်းတို့ကြောင့် အပြီးသတ် ခေါင်းလျှော်ပြီးချိန်တွင် ဆံပင်ရှည်တို့သည် ရောနှော ရှုပ်ထွေးကာ ဆံပင်အရင်းနားတွင် စာဗူးတောင်းတစ်ခုကဲ့သို့ ဖြစ်နေလေသည်။


ထိုအခါမှ မျက်လုံးတို့သည် လင်းကွင်းလောက် ကျယ်ရတော့သည်။ ဆံပင်တို့သည်လည်း မည်သို့မျှ ရှင်းမရတော့ပေ။ ထိုအချိန်မှ ဆိုင်ပိုင်ရှင်နှင့် မန်နေဂျာတို့ ရောက်လာကာ မမ၏ ဆံပင်ကို ကူညီကာ ရှင်းပေးကြသည်။ သို့သော် ဆံပင်တို့သည် စာဗူးတောင်း အဖြစ်သို့ ပြောင်းခဲ့ပြီး ဖြစ်၏။ ပိုင်ရှင်ဖြစ်သူနှင့် ဝန်ထမ်းကလေးများလည်း မမကို အားနာကာ ထိုခဲနေသော ဆံပင်တို့ကို ဆံပင်ပျော့ဆေးများ၊ ဆီများထည့်ကာ ပြေစေရန် ကြိုးစားကြ လေသည်။ သို့ရာတွင် ဆံပင်တို့သည် မမကဲ့သို့ပင် ခေါင်းကြောမာလှသည်။ ၁နာရီမျှ ကြိုးစား ဖြည်ကြသော်လည်း ပြေမသွားပါ။


မမလည်း အတော်ပင် စိတ်ညစ်သွားသည်။ နေ့လည်ပိုင်းတွင် ချိန်ဆိုထားသော ကိစ္စများ လည်း ရှိနေသည်။ ဖုန်းများကလည်း တဂွမ်ဂွမ် လာလှပြီ။ ထို့နောက်တော့ ပခုံးမျှလောက် အရှည်ကျန်လျှင် တော်ပြီ၊ ကျန်သောခဲနေသေးသည့် ဆံပင်များကို ဖြတ်ထုတ်လိုက်ရန်သာ ပြောလိုက်တော့သည်။ သို့သော် ထိုမိန်းကလေးများမှာ ဆက်လက်ကြိုးစားချင်ပုံရသည်။ နောက်ထပ် အချိန် ၄၅ မိနစ်မျှ ကုန်သွားသည်။ ဆံပင်လည်း ရှင်းမလာနိုင်သေးပါ။ မမလည်း ထပ်၍ အချိန်မပေးနိုင်တော့ပါ။ သူတို့ ရှင်းသောဒဏ်ကြောင့် ဦးရေပြားလည်း နာကျင်လှသည် မဟုတ်ပါလား။ ထို့ကြောင့် ဆက်မရှင်းတော့ရန်နှင့် ဖြတ်လိုက်ရန်သာ By Force ဖြင့် ရပ်ခိုင်းရတော့သည်။ သူတို့တော်ကြပါပေသည်။ ခဲနေသော ဆံပင်အချို့တို့ကို ဖြတ်တောက်လိုက်သောအခါ မမ၏ ခါးကျော်ကျော်မျှ ရှိသော ဆံပင်တို့သည် အချုိ့ကား ပခုံးမျှလောက်၊ အချို့ကား ကျောလည်မျှလောက်၊ အချို့ကား နားရွက်အောက်မျှလောက်၊ အချို့ကား ခါးမျှလောက်၊ အချို့ကား ခါးလည်မျှလောက်ဖြင့် မော်ဒန်ဆန်သော ဖက်ရှင်သစ် ဆံပင်ပုံစံ ကျန်ခဲ့လေသည်။


မမလည်း ဆံပင်တို့ ပြေသည်နှင့် တစ်ပြိုင်နက် ဆံပင်တို့ကို ဆံညှပ်ဖြင့် ခေါက်သိမ်းကာ ချိန်ဆိုထားရာသို့ ပြေးရလေသည်။ အလုပ်ကိစ္စများ ပြောစရာ ပြောပြီးသောအခါတွင် မညီမညာနှင့် မော်ဒန်ဒီဇိုင်းဖြစ်နေသော ဆံပင်တို့ကို အနည်းငယ် ညီသောပခုံးမျှအရှည်မှ ဖြတ်ချလိုက်ရတော့သည်။ နဂိုဆံပင် အရှည် ပြန်ရရန်မှာမူ  နှစ်နှစ်သုံးနှစ်မျှ ကြာဦးမည်မှာ သံသယ ဖြစ်စရာ မရှိတော့ပါ။


ထို့နောက်တွင်တော့ မမသည် ပခုံမျှလောက်သော မတိုမရှည်ဆံပင်နှင့် မချိုမချဉ် ဖြစ်နေခဲ့ပြီ ဖြစ်သည်။ နောက်ထပ်တစ်ဖန် ဆံပင်ညှပ်ဆိုင်တွင် ဆံပင်လျှော်ခြင်းကို ပြုရန် အတော်ပင် သတ္တိမွေးရဦးမည် မှာ သေချာလှသည်။


မှန်သားပြင်တွင် တိုစိစိ ဆံပင်တို့ကို မြင်တိုင်း နဂိုခွေခွေလိပ်လိပ်နှုင့် လှပသည်ဟု ထင်ရသော ဆံပင်တို့ကို လွမ်းဆွတ်လှသည်မှာ အမှန်ပင် ဖြစ်တော့၏။ ။


မမဝသုန်
10:00:10 PM
22-02-2013
Friday (YGN)

Tuesday 19 February 2013

မမ နှင့် PostPaid, PrePaid System





မမ နှင့် PostPaid, PrePaid System


လွန်ခဲ့သော တစ်ပတ်ခန့်က မမ ရန်ကုန်သို့ ရောက်လာခဲ့သည်။ ရန်ကုန်တွင် အင်တာနက်ကို အိမ်မှ မည်ကဲ့သို့ သုံးရမည်ကို ရောက်ကာစတွင် မမ မသိပါ။ မမယခုနေထိုင်သော အိမ်တွင်လည်း အင်တာနက်လိုင်း ချိတ်ဆက်ထားခြင်း မရှိပါ။ ထို့ကြောင့် အိမ်မှ အင်တာနက်သုံး၍ ရနိုင်ရန် မမ ကြံစည်ရတော့သည်။ မောင်လေးနှင့် ညီမကလေးများ၏ ပြောပြချက်အရ ကွန်ပျူတာနှင့် အင်တာနက်သုံးရန် အခွင့်အရေးကို တွေ့ရှိခဲ့သည်။


ထို့ကြောင့်ရောက်သည့်နေမှစ၍ ဖုန်းလိုင်းမှ ဆယ်လူလာဒေတာဖွင့်ကာ Wifi လွှင့်သည်။ ထို့နောက် လွှင့်ထားသော Wifi ကို ကွန်ပျူတာမှဖမ်းယူကာ အသုံးပြုရသည်။ အတော်ပင် အဆင်ပြေလှသည်။ လိုင်းကလည်း အတော်ကလေးပင် ကောင်းပါပေသည်။ Facebook တွင် ဓါတ်ပုံတွေ တင်တော့လည်း လွယ်လွယ်ကူကူပင် တင်၍ရသည်။ ထို့အပြင် Viber ဖြင့်လည်း သြဇီ မှ ကျေးဇူးရှင်များကို စကားပြောလိုက်သေးသည်။ လိုင်းကလည်း ကြည်လင်၏။  ထို့ကြောင့် ဝမ်းသာအားရပင် စကားပြောလိုက် Facebook လေးကြည့်လိုက်၊ စာတိုက်ပုံးထဲမှ ဝင်ရောက်လာသော စာများကို စစ်ဆေးလိုက်၊ ပြန်စရာရှိသော စာများကို ပြန်လိုက်နှင့် အတော်ကလေး အဆင်ပြေပြေ ဖြစ်နေသည်။ ညဘက်တွင် အိပ်လိုက်၊ မနက်ရောက်လျှင် လုပ်စရာ ရှိသည်များကိုလုပ်လိုက်၊ အပြင်ရောက်လျှင် ရံဖန်ရံခါ အင်တာနက်ကလေး ဘာလေး စစ်လိုက်နှင့် ကျေနပ်နေသည်။


သိပ်မကြာပါ။ ဖုန်းထဲတွင် Message တစ်ခုဝင်လာသည်။ “သင်၏စာရင်းတွင် လက်ကျန်ငွေသည် ကျပ်၂၀၀အောက်သို့ ရောက်နေပြီ”ဟူ၏။ ထိုအခါမှ မမ တစ်ယောက် ဘုရား တ ရတော့သည်။ ဖုန်းထဲတွင် ကျပ်၁၀၀၀၀ ကဒ် တစ်ကဒ် ထည့်ထားသည်မှာ ၂ရက်နှင့် တစ်ပိုင်းပင် မပြည့်သေး..။ ထိုအချိန်မှ မမ ဖုန်းကို မမ ပြန်စစ်ရတော့သည်။ ထိုအခါမှ  မမ ၏ ပေါ့လျော့မှုကို တွေ့ရတော့သည်။ မမ သည် ဖုန်းမှ ဆယ်လူလာ ဒေတာကို တောက်လျောက် ဖွင့်ထားမိခဲ့ပါပေါ့။  ထိုအခါမှ အလျှင်အမြန် ပိတ်ရတော့သည်။


ထိုနေ့မှစ၍ မမသည်  အချိန်တိုင်း အိပ်မက်ဆိုးမက်သကဲ့သို့ မိမိဖုန်းမှ ဆယ်လူလာဒေတာ ဖွင့်ထားမိသလား၊  Wifi လွှင့်ထားမိသလားဟု မကြာမကြာ စစ်ဆေးမိတော့သည်။ ယခု နောက်ထပ် ထည့်ထားသော ကျပ်၁၀၀၀၀ ကဒ်သည် ယခုအချိန်အထိတော့ မကုန်သေးပါ။ ဘယ်အချိန်ကုန်သွားမည်နည်းဟု ရင်တထိတ်ထိတ် နှင့်တော့ ဖြစ်နေသေးသည်။


အကယ်၍များ ကဒ်စနစ်ဖြင့် မဟုတ်ဘဲ လကုန်၍ ငွေတောင်းခံလွှာလာမှ ကျသင့်ငွေ ရှင်းပေးရမည်ဆိုလျှင် …..၊ ဘုရား ..ဘုရား .. တွေးပင်မတွေးရဲတော့ပါ။


ထို့ကြောင့် PostPaid  စနစ်မှ prepaid စနစ်သို့ ပြောင်းလဲပေးခဲ့သော ကျေးဇူးရှင်ကြီးများ ကိုသာ အဖန်ဖန် အခါခါ ဦးတိုက် နေရပါတော့သည်။



မမဝသုန်
06:27:43 PM
19-02-2013
Tuesday (YGN)

Thursday 7 February 2013

ကျွန်မနှုင့် မတူသော အမြင်များ






ပန်းချီဆရာကြီး Cees သည် ကျွန်မ၏ သင်ဆရာတစ်ဦးဖြစ်သည်။ သူသည် Netherlands နိုင်ငံဖွားဖြစ်ပြီး ဖြစ်ပြီး ကျွန်မတို့ နေထိုင်ရာ Brisbane တွင် သင်တန်းများ လာရောက်ဖွင့်လှစ်သော  နာမည်ရ ပန်းချီဆရာကြီးတစ်ဦးလည်း ဖြစ်သည်။ သူ့ကို ကျွန်မ၏ မိန်းကလေး သူငယ်ချင်း တစ်ဦး မိတ်ဆက်ပေးသဖြင့် သိခဲ့ရခြင်းဖြစ်သည်။ သူ၏ ဆွဲဟန်များသည်  ဥရောပနှင့် အနောက်နိုင်ငံများတွင် အတော်ပင် ရေပန်းစားကာ နာမည်ရလှသည်။


နှုတ်ခမ်းမွှေးကုတ်ကုတ်နှင့် ဆရာကြီးသည်  ပိန်ပိန်ပါးပါးနှင့် ရင်းနှီးဖော်ရွေသောသူလည်း ဖြစ်သည်။  သို့သော် သူသည် သူ၏ပညာနှင့် ပတ်သက်လျှင် မာန်မာန ကြီးသည်ဟု ကျွန်မကတော့ မြင်ပါသည်။ သူ၏သင်တန်းကျောင်းမှ တပည့်များကို သူ၏မူအတိုင်းသာ ဆွဲစေချင်သည်။ ခွဲဖယ်ထွက်လျှင်မူ မကြိုက်ပါ။ သူ၏တပည့်များ ဆွဲထားသော ပန်းချီ ကားချပ်များသည် ထိုဆရာကြီး၏ တပည့်ဖြစ်သည်ဟု သိနိုင်သော ပုံများသာဖြစ်သည်။


ပထမဦးဆုံး ကျွန်မနှင့် ကျွန်မသူငယ်ချင်းတို့ ထိုဆရာကြီး၏ သင်တန်းသို့ တက်ရောက် သောအခါ ဝယ်ယူရမည့် ပစ္စည်းများ စာရင်းကို ပေးပါသည်။ သူသည် ဈေးသက်သာသော ဆေးနှင့် စုတ်တံများ ၊ ပုံဆွဲစက္ကူများကို အသုံးမပြုရန် သိသိသာသာ တားမြစ်ထားသည်။ ဆေးဆိုလျှင် Art Spectrum သို့မဟုတ် Cotman မှလွဲ၍ အခြားသော ဆေးများကို သုံးခွင့် မပြုပါ။ ထိုဆေးများ၏ 10ml မျှလောက်သော ဆေးဗူးကလေးကို $9.00 ပေးရသည်။ အခြေခံ ၁၃ ရောင်လုံးဝယ်ရန် ပြောပါသည်။ ထိုအခါ ကျွန်မအိမ်တွင် ရှိပြီးသော ဆေးများ၊ စုတ်တံများမှာ ဆရာကြီးပြောသော အမည်မဟုတ်သဖြင့်  အသစ်ထပ်မံ ဝယ်ယူခဲ့ရသည်။ ထိုမျှမက စုတ်တံများနှင့် Sketch Pad ကိုလည်း သူပြောသော အမည်များကိုသာ ဝယ်ရသည်။ မှတစ်ပါး အခြားအမျိုးအစားများ မဝယ်ယူရန် သေသေချာချာ စာနှုင့်ပေနှင့် ပြန်ကြားထားသည်။ အကယ်၍ ထိုကဲ့သို့ ဈေးကြီးသောဆေးများကို မဝယ်နိုင်သော သူဆိုလျှင် သူ၏ သင်တန်းတွင် တက်ခွင့်မရပြီလော။


သင်တန်းတွင်းသို့ရောက်သောအခါ အရောင်အနုအရင့်၊ အနီးအဝေး၊ အစရှိသည်တို့ကို ရှင်းပြပြီး ရှုခင်းပုံ တစ်ပုံကို စတင်သင်ကြားပါသည်။ အရောင် အနုအရင့်နှင့် အနီးအဝေးကို ပြသသည့် ပုံမျိုးဖြစ်သည်။ သူသည် ထိုပန်းချီကားကို ၅မိနစ်မျှအတွင်း တောင်ကုန်း၊ တောတန်းနှင့် သစ်ပင်များကို Fountain Pen ဖြင့်  ရေးဆွဲသွားသည်။ ပုံတူမဟုတ်ဘဲ အခြေခံ အကြောင်းအရာများ ပါရမည်ဟုဆို၏။ ထို့နောက် ကျွန်မတို့လည်း ကိုယ့်စိတ်ကူးနှင့်ကိုယ် ရေးဆွဲခဲ့ကြသည်။


ထို့နောက် ဆရာကြီးသည် တပည့် တစ်ဦးချင်းဆီ၏ ပုံများကို လိုက်လံကြည့်ရှုသည်။ ထိုသင်တန်းတွင် ကျွန်မတို့ နှစ်ဦးမှအပ ကျန်တပည့်များမှာ ဆရာကြီး၏ ကာလကြာ တပည့်ဟောင်းများသာ ဖြစ်ကြသည်။ ကျွန်မတို့နှစ်ယောက်၏ ဆွဲလက်စများကို မြင်သော် ဆရာကြီးသည် အနည်းငယ် သို့မဟုတ် အတော်တန် စိတ်တိုသွားပုံရသည်။ ဆရာကြီးက Sketch ဖြင့် ဆွဲခိုင်းသည်။ ကျွန်မတို့နှစ်ယောက်က Shade ဖြင့် င်္အနုဆင်ကြသည်။ ထိုအခါ ဆရာကြီးက ကျွန်မတို့၏ပုံများကို ဖျက်ခိုင်းသည်။ သူပြောသည့် အခြေခံအတိုင်း ဆွဲရန် ထပ်ပြောသည်။ ကျွန်မတို့တစ်ဦးမျက်နှာတစ်ဦးကြည့်ပြီး ပြိုင်တူရယ်ကာ ဆွဲထားသော ပုံများကို ဖျက်ကြရသည်။ အမှန်တကယ်မှာ ကျေနပ်လှသည်တော့ မဟုတ်ကြပါ။


ကျွန်မနှင့် ကျွန်မသူငယ်ချင်းသည် ခဲခြစ်ရာ ထင်နေသော ပုံများကို မနှစ်သက်ကြပါ။ အရိုးထောင်နေသော သစ်ပင်အိုကြီးနှင့်တူသည်ဟုခံစားရသည်။ သို့သော် သင်တန်းထဲတွင်မူ ဆရာခိုင်သည့်အတိုင်းသာ လိုက်ဆွဲခဲ့လိုက်သည်။ ထို့နောက် ဆရာကြီးသည် Sketch ပေါ်တွင် အရောင်သွင်းပြသည်။ ထို့နောက် ကျွန်မတို့ နှစ်ဦးကို အဓိက အရောင်သုံးရောင်နှင့် ကြားအရောင်များကို မည်ကဲ့သို့ အသုံးပြုရမည်ကို  ပြောပါသည်။ ပြီးသော် သူပြသသည့်အတိုင်း ဆေးရောင်များ ရေးသွင်းရန်ခိုင်းပါသည်။ ထိုနေရာတွင် ကျွန်မတို့ အရှေ့တောင်ပိုင်းမှ လူများနှင့် အနောက်ပိုင်းမှ လူများ၏ လက်ခံမှု မတူညီသည်ကို တွေ့လာရသည်။ ဆရာကြီးနှင့် သူ၏ လက်ဟောင်းတပည့်များ သွင်းသော ဆေးရောင်မှာ ခြောက်သွေ့သော အသွင်ကို ဆောင်သည်။ မြေနီမှုန်များ၊ နီညိုရောင် မြေပြင်များ၊ စိုလက်မှုမရှိသော အစိမ်းရောင်များဖြင့် ဖုံးလွှမ်းနေသည်။ 


ပူနွေးသော မိုးများဒေသနှင့် အမြဲစိမ်းသစ်တောများကြားတွင် ကြီးပြင်းလာကြသော ကျွန်မတို့က စိုလက်သော အစိမ်းရောင်နှင့် စိုစွတ်သော မြေပြင်ကို ရေးဆွဲလိုကြသည်။ အဓိက အကြောင်းရင်းမှာ အနီးအဝေးကို အရောင်အနုအရင့်ဖြင့် ဖွဲ့စည်းရန် မဟုတ်ပါလား။ သို့ရာတွင် ဆရာက လက်မခံပါ။ မြေကြီးဆို သည်အရောင်၊ သစ်ရွက်ဆိုသည်အရောင်၊ အစရှိသဖြင့် ပုံသေနည်းများကို ပြောကြားလိုသည်။ ကျွန်မတို့နှစ်ယောက်စလုံးမှာ သိပ္ဗံ သမားများ ဖြစ်ကြသော်လည်း အနုပညာ အထူးသဖြင့် ပန်းချီကားတစ်ချပ်ကို ဖန်တီးရာတွင် ပုံသေနည်းများကို မနှစ်သက်ကြပါ။ ပုံသေနည်းဖြင့် သွားသောပုံများသည် ပုံသေနည်းထဲက မထွက်သော ပုံများသာ ဖြစ်ပါလိမ့်မည်။  ကျွန်မတို့ သည် realistic ကို လက်ခံပြီး realism ဖြစ်သော ဖန်တီးမှုများကို နှစ်သက် လက်ခံကြ သော်လည်း ပုံသေနည်းများ ကိန်းဝပ်နေသော ကားချပ်များကိုမူ အသက်ဝင်သည်ဟု မခံစားရပါ။ သို့သော် ဆရာ၏သင်တန်းတွင် ဆရာပြောသလိုရေးဆွဲပြီး မိမိအိမ်တွင် မိမိ နှစ်သက်သလို ရေးဆွဲကြသည်။


ကျွန်မတို့သည် စည်းကမ်းတင်းသော မိဘများလက်တွင်ကြီးပြင်းလာကြ ရသော်လည်း စည်းမျဉ်းများ၊ ကန့်သတ်ချက်များ၊ ပုံသေနည်းများကို မုန်းတီးကြသည်။  လူ့ပတ်ဝန်းကျင်မှ ပြဌာန်းထားသော အိုမင်းဟောင်နွမ်းသည့် ပုံသေနည်းများကိုလည်း ငြီးငွေ့ကြသည်။ အတွေး အခေါ် အယူအဆ အသစ်မရှိသော နေထိုင်မှုသည် အသေကောင် ကို အသက် သွင်းထားသည်နှင့် တူသည်ဟု မှတ်ယူသည်။ အမြင်ကျဉ်းမြောင်းမှုကို ရွံရှာသည်။ မွေးဖွားလာကြသော အသစ်အသစ်သော လူတို့သည် ရှေးရှေးလူတို့ ချမှတ်ထားခဲ့ကြသော ရှေးရိုးစွဲ ပုံသေနည်းများကို မျက်စိမှိတ် လက်ခံနေမည့်အစား အချိန်ကာလ၊ နေရာဒေသ အလိုက် သင့်လျော်၏၊ မသင့်လျော်၏ကို ဆင်ခြင်နိုင်ကြရမည်ဟု ယူဆသည်။ အသေရိုက်သွင်းထားသော ပုံသေနည်းသည် အဖြေမှန်ရရန် အကောင်းဆုံး နည်းလမ်း ဖြစ်သည်ဟု ကျွန်မ မယုံကြည်ပါ။ ကျွန်မတို့၏ ဦးနှောက်များသည် အသုံးပြုကြရန် ဖြစ်သည်။ များများအသုံးပြုလေ ကျန်းမာလေဖြစ်သည်ဟု ကျွန်မကတော့ ယူဆသည်။ မသွေးဘဲ ထက်ရှသော ဓားသည် ဤလောကတွင် ရှိနိုင်ပါမည်လား။ အခြေခံ အကြောင်းအရာတစ်ခု အပေါ်တွင် ဆင့်ပွား ဆင့်ပွား၍ တွေးတောနိုင်ရမည် မဟုတ်ပါလား။


စည်းမျဉ်းစည်းကမ်းများနှင့် ရေးခြယ်ထားသော အနုစိပ် ပန်ချီကားများကို ကျွန်မ နှစ်သက်ပါသည်။ ဖန်တီးနိုင်သောသူများကိုလည်း လေးစားမိသည်။ သို့သော် ကျွန်မတွင် ထိုသို့သော အရည်အချင်းများ မရှိပါ။ ကျွန်မ ဆွဲသော ရုပ်ပုံများတွင် ကျွန်မ၏ စိတ်ကို ထည့်ထားသည်။ ထို့ကြောင့် စည်းမျဉ်း စည်းဘောင်၏ အပြင်ဘက်တွင်ရောက်နေသည်က များ၏။ တောင်လေတိုက်၍ မြောက်ကိုယိမ်းရမည့်နေရာတွင် မြောက်အရပ်ကို မယိမ်ဘဲ အခြားအရပ်တစ်ခုခုကို  ယိမ်းကောင်းယိမ်းနေနိုင်သည်။ ဤသည်မှာ အနုပညာတစ်ရပ်ဟု ကျွန်မထင်မှတ်သည်။ ပုံတူကူးဆွဲခြင်းသည် ပုံတူကူးခြင်း သာဖြစ်၍ ကိုယ်ပိုင် ဖန်တီးမှု မပါဟု ခံစားရသည်။ ပုံတူပန်းချီကားများတွင် အနည်းငယ် လွဲချော်၍ ပန်းချီရေးဆွဲသူ၏ ဆွဲနေစဉ်တွင် ဖြစ်ပေါ်သည့်စိတ်ကို ထည့်သွင်း ဖန်တီးထားသော ကားချပ်များကိုမူ ကျွန်မ နာရီများစွာ ရပ်ကြည့်ငေးမော ဖူးသည်။


သို့ရာတွင် ဆရာကြီး၏ သင်တန်းကျောင်းတွင် ဆရာပြောသည့်အတိုင်း ရေးဆွဲပြီး ဆရာသင်ပေးသမျှကို ရနိုင်သမျှ ရအောင် ကြိုးစားသင်ယူပါသည်။ ဆရာကြီး၏ ပန်းချီကားများသည် ဥရောပနိုင်ငံများတွင် အဘယ့်ကြောင့် ရေပမ်းစားရသနည်း ဆိုတာကို စဉ်းစားရတာကို ကျွန်မ နှစ်သက်သည်။ ဆရာကြီး၏ သင်တန်းကို သွားရောက် သင်ယူခြင်းသည် ဆရာဖြစ်သူနှင့် အငြင်းပွားရန်ငြင်းခုန်ရန် မဟုတ်ပါ။ ဆရာများ၏ ပန်ချီတစ်ကားဖန်တီးစဉ် ထားသောစိတ်၊ ဆွဲဟန်၊ အရောင်တင်ဟန် တို့ကို နားလည်သိရှိရန်သာဖြစ်သည်။


ကျွန်မသည် အရာရာကို ငြင်းပယ် ကန့်ကွက်တတ်သော သူတစ်ယောက်မဟုတ်ပါ။ ဟောင်းနွမ်းနေသော သတ်မှတ်ချက်များကို မျက်စိမှိတ် လက်မခံလိုသူ၊ အခြေခံ အကြောင်းအရာတစ်ခုမှ ဆင့်ပွား ဖြစ်စဉ်များကို စိတ်ဝင်စား နှစ်သက်သူတစ်ယောက်သာ ဖြစ်ပါသည်။



ပျိုးယုဝသုန်
28-01-2013
Monday (BNE)

Sunday 3 February 2013

စကားလုံးကောင်းကင်အောက်မှာ...





တကယ်တော့ အွန်လိုင်း လူမှုကွန်ယက်ဆိုတာ စိတ်ကို အစာကျွေးတဲ့ နေရာတွေပါ။ ဒီမှာ ကိုယ်ဘာကို အာသီသဖြစ်သလဲ.. အကုန်ရှာလို့ရတယ်။ ဒါပေမယ့် ရတဲ့အရာတွေက အစစ်အမှန်ဖြစ်ဖို့တော့ ရာခိုင်နှုန်းနည်းတာပေါ့။ ထင်ပေါ်ကျော်ကြား လူသိများချင်လည်း လွယ်တယ်။ ဘာမှမသိ မတတ်ဘဲလည်း ပညာရှင်တစ်ယောက် ဖြစ်နေနိုင်တယ်။ ဖွတဲ့သူတွေကလည်း ဖွကြတယ်။ ရွစိ ရွစိနဲ့ နောက်က ပါတဲ့သူတွေကလည်း ပါကြတယ်။ မျိုးချစ်သူရဲကောင်းတွေလည်း အများကြီး တွေ့မြင်နိုင်တယ်။ အတုအယောင်တွေကို အစစ်အမှန်လို့ ထင်ရလောက်အောင် လည်း လှည့်စားမှုတွေ များလှတယ်..။


ကဗျာလေး စာလေးရေးရင်း ကျွန်မလည်း ပိုးဖလံလို မီးရောင်ကို စိန်ရောင်ရွှေရောင် ထင်မှတ်ပြီး တိုးခဲ့ဖူးတယ်။ စားလည်းဒီရှေ့၊ အိပ်လည်း ဒီရှေ့ နဲ့ တွယ်မိတွယ်ရာ တွယ်တာနေခဲ့တယ်။ တကယ့်မိတ်ဆွေစစ်အချို့ကိုလည်း ရရှိခဲ့တာကိုး..။ တစ်ယောက်တည်းဖြစ်နေတဲ့ကာလတွေမှာ အွန်လိုင်း လူမှုကွန်ယက်တွေက စိတ်ပင်ပန်းမှုကို ပြေပျောက်စေတယ်လို့ ထင်မှတ်ခဲ့တယ်။ အစစ်အမှန်ရော အတုအယောင်ပါ ရောနှောနေတဲ့ သတင်းတွေ၊ လူမှုဆက်ဆံရေးတွေ ကြားမှာ စီးမြောပြီး ကိုယ့်ကိုယ်ကိုယ် ဒဏ်ရာ ရမှန်မသိ ရလာတာကို သတိမမူခဲ့မိဘူး။


ဒီလိုနဲ့ သတိထားမိလာတဲ့အချိန်မှာ online ပေါ်မှာကိုယ့်ရဲ့ အချိန်ကုန်ခံမှုတွေကို လျော့ဖို့ ဆုံးဖြတ်ခဲ့တယ်။ အပြီးတိုင်ကိုယ့် Account ကို ကိုယ် ဖျက်သိမ်းဖို့တော့ မရည်ရွယ်ပါဘူး။ ကျွန်မတို့လို သူများအိမ်ကို ကိုယ့်အိမ်လုပ်နေရတဲ့ သူတွေအတွက် ဒီလို လူမှုကွန်ယက်တွေက လိုအပ်ပါတယ်။ ယခင်လို ကွန်ပျူတာရှေ့မှာ  စကားပြောဖို့၊ တက်လာသမျှ ဟုတ်တာရော မဟုတ်တာရောတွေကို ဖတ်ဖို့ နာရီပေါင်းများစွာ ငုတ်တုတ်ထိုင်ကြည့်နေတဲ့ကာလတွေက ပြီးဆုံးသင့်ပြီလို့လည်း ဆုံးဖြတ်မိတယ်။ ဒီတော့ ကွန်ပျူတာရှေ့ထိုင်တဲ့ အချိန်တွေကို လမ်းလျောက်ခြင်း၊ ရေကူးခြင်း၊ တင်းနစ်ရိုက်ခြင်း၊ သစ်ပင်စိုက်ခြင်း စတဲ့ Activity တွေနဲ့ အစားထိုးလိုက်တယ်။ မိတ်ဆွေတွေနဲ့ တစ်နေ့ကို နာရီဝက် တစ်နာရီလောက်ထက် ပိုပြီး မတွေ့ဖြစ်တော့ဘူး။


တကယ်တော့လည်း ကိုယ့်လမ်းပေါ်ကိုယ်လျောက်ရင်း ခလုတ်တိုက်လို့လဲရင်ဖြစ်ဖြစ် ကိုယ်ထူမှပဲ ကိုယ်ထနိုင်ခဲ့ရတာပါ။ သူတပါးရဲ့  ကူညီထူမမှု၊ အားပေးမှုကလေးများ ရမလားလို့ လူသားပီပီ မျှော်လင့်မိပေမယ့် မဖြစ်နိုင်မှန်းသိတဲ့အချိန်မှာ လဲကျရင်း၊ ပြန်ထရင်းနဲ့ ကိုယ့်ကိုယ်ကိုယ် အားပေးပြီး နေတတ်ခဲ့ပြီ။


ရေးစရာရှိရင် ရေးတင်လိုက်၊ မျှဝေစရာရှိရင် မျှဝေလိုက်၊ မှတ်သားစရာတွေ့ရင် မှတ်သားလိုက်နဲ့ နေတတ်အောင်နေလိုက်တဲ့ အခါမှာ နောက်တော့လည်း နေသားကျသွားတာပါပဲ။


စကားလုံးတွေနဲ့ပြည့်နှက်နေတဲ့ ကောင်းကင်အောက်မှာ ကျွန်မလည်း သူလို ကိုယ်လိုပဲ လမ်းလျောက်ခဲ့ပါတယ်။ ဒါပေမယ့် စကားလုံးတွေကို ကာကွယ်ဖို့တော့ ကျွန်မ ထီးကလေး တစ်လက် ဆောင်ထားတယ်။ စကားလုံးကောင်းကင်အောက်မှာ လျောက်ရင်း စိတ်၊ စေတသိက်ကို တတိတိတိုက်စားမယ့် စကားလုံးတွေ ကြွေကျလာတိုင်း ထီးကလေးကို ဆောင်းလို့ပေါ့..။



ပျိုးယုဝသုန်
10-12-2012
Monday (BNE)